Շալվա Պապուաշվիլի. Ես շնորհավորում եմ Դոնալդ Թրամփին նախագահ ընտրվելու կապակցությամբ, այս ընտրությունները պետք է վերջ դնեն իրականության նկատմամբ ընկալումների գերակայությանը, որը վերջին տարիներին դարձել է Վրաստանի նկատմամբ արևմտյան քաղաքականության հատկանիշը
«Շնորհավորում եմ Դոնալդ Թրամփին նախագահ ընտրվելու կապակցությամբ»,- այս մասին X սոցիալական ցանցում գրառում է Վրաստանի խորհրդարանի նախագահ Շալվա Պապուաշվիլին։
Ինչպես նշում է Պապուաշվիլին, ամերիկա-վրացական հարաբերությունները պետք է վերսկսվեն փոխադարձ հարգանքի, ընդհանուր շահերի և իրական մարդկային արժեքների հիման վրա։
«Այս ընտրությունը պետք է ողջախոհությունը վերադարձնի համաշխարհային քաղաքականություն և վերջ դնի իրականության նկատմամբ ընկալումների գերակայությանը, որը վերջին տարիներին դարձել է Վրաստանի նկատմամբ արևմտյան քաղաքականության հատկանիշը։ Կարծում եմ, որ ամերիկա-վրացական հարաբերությունները պետք է վերսկսվեն փոխադարձ հարգանքի, ընդհանուր շահերի և, ամենակարևորը, իրական մարդկային արժեքների հիման վրա»,- գրառել է Շալվա Պապուաշվիլին։
Նախնական տվյալներով՝ ԱՄՆ նախագահական ընտրություններում հաղթել է Հանրապետական կուսակցության նախագահի թեկնածու Դոնալդ Թրամփը։
