Մենք կծանոթանանք Վենետիկի հանձնաժողովի վերջնական եզրակացությանը և դրանից ելնելով կգործենք, կունենանք պատասխաններ,- ասել է խորհրդարանի նախագահ Շալվա Պապուաշվիլին՝ ի պատասխան Վենետիկի հանձնաժողովի գնահատականի մասին հարցին։

Պապուաշվիլիի խոսքով, ինքն անձամբ մի քանի գործող օրենքներ է ուղարկել Վենետիկի հանձնաժողով և սպասում է դրանց գնահատականներին։

«Ասացինք, որ սպասում ենք Վենետիկի հանձնաժողովի եզրակացություններին, ես անձամբ եմ ուղարկել գործող օրենքները Վենետիկի հանձնաժողով, հիմա ստացել ենք եզրակացությունները։ Ոչ միայն Հակակոռուպցիոն բյուրոյի, այլեւ Հատուկ քննչական ծառայության, Անձնական տվյալների պաշտպանության ծառայության, ինչպես նաեւ Ընտրական օրենսգրքի հետ կապված։ Մենք կծանոթանանք այս բոլոր եզրակացություններին և, ինչպես խոստացել էինք, այս եզրակացությունների հիման վրա կունենանք քննարկում։ Եզրակացությունների նկատմամբ մեր վերաբերմունքը հայտնի է, կծանոթանանք այս եզրակացությանը, կտեսնենք, թե որոնք են փաստարկները, որոնք՝ ոչ, ինչ հարցեր են հաստատվել և որոնք չեն հաստատվել, իրավական փաստարկները որո՞նք են, և կքննարկենք»,- ասել է Պապուաշվիլին։