Ընդհանուր առմամբ, երևում է, որ բևեռացման խորացում կա, ինչը ևս մեկ անգամ ծանր բեռ է դնում վրացական քաղաքականության վրա,- ասաց Վրաստանի խորհրդարանի նախագահ Շալվա Պապուաշվիլին։

Նրա խոսքով՝ իրարանցումն, ի վերջո, լավ է Ռուսաստանի համար, ոչ՝ Եվրոպայի համար։

«Մենք հասկանում ենք, որ սա մղում է դեպի համաձայնության կառավարություն։ Փոխվել է նաև տերմինը՝ հանրությանը որոշ չափով մոլորեցնելու համար։ Տեխնիկական կառավարության փոխարեն հիմա խոսում են համաձայնության կառավարության մասին։ Ի՞նչ համաձայնության մասին կարելի է խոսել, երբ խոսքը հարկադրանքի մասին է, որը մի կողմին ստիպում է ինչ-որ բան անել մյուս կողմի նկատմամբ, որտեղ կա հարկադրանք: Ըստ սահմանման՝ սա համաձայնություն չի կարող լինել։ Ուստի ևս մեկ անգամ հայտնի է, թե ովքեր են այս ակցիայի կազմակերպիչները։ Երեկ մենք արձագանքներ տեսանք, այդ թվում՝ Միխեիլ Սաակաշվիլիի կոչերը։ Մենք առաջարկում ենք եվրոպական ճանապարհ, նրանք առաջարկում են հետ քաշել երկիրը, երկրում քաոս ստեղծել, և այս քաոսը, ի վերջո, լավ է Ռուսաստանի համար, և ոչ թե՝ Եվրոպայի»,- ասել է Շալվա Պապուաշվիլին։

Բացի այդ, ըստ Պապուաշվիլիի, բևեռացման արդյունքը ագրեսիան է, այդ թվում՝ ագրեսիան քաղաքական վերնախավում, որը, ի վերջո, կարող է դրսևորվել տարբեր ձևերով։