Երեք ամենաարմատական ​​կուսակցությունների ներկայացուցիչները մեկնել են Բրյուսել՝ խափանելու առաջին հանձնարարականի կատարումը, որը վերաբերում է ապաբևեռացմանը,- այս մասին հայտարարել է Վրաստանի խորհրդարանի նախագահ Շալվա Պապուաշվիլին՝ «Գիրչի – ավելի շատ ազատություն», «Դրոա» և «Ստրատեգիա Աղմաշենեբելիի» առաջնորդների Բրյուսել մեկնելու հետ կապված հարցին ի պատասխան:

Պապուաշվիլիի խոսքով՝ ինքը ոչինչ չի սպասում, բացի այն, որ իրենք ոտք կգցեն սեփական երկրին։

«Իհարկե, նրանցից այլ բան սպասել չի կարելի, բացի նրանից, որ նրանք կփորձեն հերթական անգամ իրենց երկրին ոտք գցել՝ եվրոպական ճանապարհի վրա։ Ես չգիտեմ, թե ում հետ են նրանք հանդիպում, բայց Բրյուսելի միջանցքներում նրանց թույլ տալը խրախուսում է արմատականությունը և կանխում հանձնարարականների իրականացումը»,- ասել է Շալվա Պապուաշվիլին։