Վրաստանը ցանկանում է դառնալ ՆԱՏՕ-ի անդամ, ինչպես նաև հստակ է ՆԱՏՕ-ի անդամ կազմակերպությունների կամքը, որ Վրաստանը դառնա ՆԱՏՕ-ի անդամ, հետևաբար դա տեղի կունենա,- լրագրողներին ասել է Վրաստանի խորհրդարանի նախագահ Շալվա Պապուաշվիլին:

«Ինչ վերաբերում է ՆԱՏՕ-Վրաստան հարաբերություններին, հեռանկարներին ու այդ հեռանկարների համար վտանգ ստեղծելուն, ԱՄՆ իշխանությունը այս կապակցությամբ բազմիցս հայտարարել է: Հատկապես ուզում եմ շնորհակալություն հայտնել ԱՄՆ դեսպանին, ով նույնիսկ իր ելույթը նվիրեց այս հարցին, շեշտելու, որ Բուխարեստի գագաթնաժողովի որոշման վերանայում չի լինելու, որևէ այլ պետություն չի կարող միջամտել այս խնդրի լուծմանը։ Այս հարցը վերաբերում է ՆԱՏՕ-ին որպես կազմակերպության, իսկ Վրաստանին՝ որպես երկրի։ Հայտնի է վրաց ազգի աննկուն կամքը, որն ամրագրված է նաեւ Սահմանադրությամբ։ Վրաստանը ցանկանում է դառնալ ՆԱՏՕ-ի անդամ: Նաև ՆԱՏՕ-ի անդամ կազմակերպությունների կամքը՝ Վրաստանը ՆԱՏՕ-ի անդամ դարձնելու, ուժեղ է, հետևաբար, դա տեղի կունենա»,- ասել է Պապուաշվիլին։