«Այսօր գլխավոր մտահոգությունը ոչ թե եվրոպական ճանապարհն ընտրել-չընտրելն է, այլ այն, թե ինչպես այդ ուղին անցնենք։ Մենք եվրոպական ուղին պետք է անցնենք առանց անկախությունն ու ինքնությունը զոհաբերելու, առանց գործանման առջև կանգնեցնելու պետությունն ու ժողովուրին»,- հայտարարել է «Վրացական երազանքի» քաղաքական խորհրդի անդամ, խորհրդարանի նախագահ Շալվա Պապուաշվիլին։

«Մենք այսօր հավաքվել ենք Վրաստանի այն անկյունում, որտեղ անհիշելի ժամանակներից ամենաշատը գնահատվել է խաղաղությունը՝ որպես ազգային գոյատևման և պետական ​​զարգացման հիմնաքար։ Գուրուլները լավ հասկանում են, որ քաղաքականությունը, ներառյալ միջազգային, գլոբալ քաղաքականությունը, բոլոր քաղաքացիների գործն է, քանի որ մեր երկրին տիրություն անողը միայն մենք ենք: Ոմանցից լսում ենք, որ Վրաստանն այսօր հայտնվել է արտաքին-քաղաքական խաչմերուկում։ Փաստորեն, մեր ժողովուրդն ու «Վրացական երազանք »-ը վաղուց հստակ արտահայտել են իրենց արտաքին քաղաքական ընտրությունը։ Սա եվրոպական ուղին է, որը համապատասխանում է մեր ժողովրդի արժեքներին և ամուր արմատավորված է մեր ռազմավարական տեսլականի, ազգային գեների և առօրյա կյանքում։ Ուստի այսօր հիմնական մտահոգությունն ոչ թե եվրոպական ճանապարհն ընտրել-չընտրելն է, այլ այն, թե ինչպես անցնել այդ ուղին։ Մենք եվրոպական ուղին պետք է անցնենք առանց անկախությունն ու ինքնությունը զոհաբերելու, առանց գործանման առջև կանգնեցնելու պետությունն ու ժողովուրին»,- ասել է Շալվա Պապուաշվիլին։

Նրա խոսքով, վրաց ժողովուրդն ու նրա կառավարությունը գիտեն, թե ինչ են անում։

«Մեր խնդիրն է մեր երկիրը անվնաս, անավեր, արժանապատիվ բերել խաղաղության և բարգավաճման նավահանգիստ համաշխարհային քաղաքական ուժերի դիմակայության պայմաններում։ Բոլոր նրանք, ովքեր դեմ են դրան, Վրաստանի թշնամիներն են՝ թե՛ ներսում, թե՛ դրսում։ Վերջին երկու տարում մենք, կամա թե ակամա, լավ տեսանք, թե ինչպես են Վրաստանին մղում դեպի կործանարար ու ավերիչ պատերազմի։ Ինչպե՞ս նրանք հանկարծ մոռացան Ռուսաստանի նկատմամբ «ռազմավարական համբերության» քաղաքականությունը, որը նախկինում պնդում էին մեզ խորհուրդ տալ և մեր կառավարությունից պահանջում էին բոլորովին չարդարացված, և կործանարար ռազմաքաղաքական էսկալացիա», – ասաց Շալվա Պապուաշվիլին։

Նրա խոսքով, ընդդիմությունն ուղղակիորեն կզբաղվի Վրաստանի ինքնաոչնչացման քաղաքական արշավով։

«Ռուսաստանի Ուկրաինա ներխուժման առաջին իսկ օրվանից նրանք պահանջում էին քաղաքական ու տնտեսական հակամարտության էսկալացիա։ Եվ այսօր սա դեռ նրանց հիմնական խոստումն է՝ կամավորներ ուղարկել ռազմաճակատ, փակել սահմանները, արգելել թռիչքները, մուտքի արտոնագրեր սահմանել, պատժամիջոցներ կիրառել և սառեցնել առևտուրը։ Բոլորս էլ լավ գիտենք, որ մի գրամ իշխանություն էլ ստանան, հաջորդ օրը կանեն։ Ի՞նչ է սա, եթե ոչ մեծ աշխարհաքաղաքական սխալ և առավել ևս ուղղակի դավաճանություն երկրի նկատմամբ, որի վերջը մեկն է` պատերազմ, ավերածություններ, մահ, մեր հայրենիքի, ընտանիքների ու ապագայի կործանում։
Իսկ ինչի՞ համար է այս ամենը։ Սպանել սեփական ժողովրդին, որ օտարը ծափահարի ։ Երկիրը կործանել , որպեսզի ոտքերիդ տակ փռեն կարմիր գորգ: Նրանք չեն էլ մտածում, թե ապագայի համար ինչի են զոհաբերում իրենց երեխաներին, ընկերներին, հարեւաններին։ Ո՞վ տիրություն կանի , եթե մ գետնին հավասարեցված ու ավերված լինենք։ Ո՞ւմ ես պետք դու աղքատության և հուսահատության մեջ: Ո՞վ է ուզում, որ ծանր բեռ լինի ոչ ներկա, ոչ ապագա ունեցող երկիրը։ Նման ավերված երկիրը չի հետաքրքրի ո՛չ Եվրամիությանը, ո՛չ ՆԱՏՕ-ին»,- ասել է Շալվա Պապուաշվիլին։

Նրա խոսքով, նման պետությունն ընդունելի է ցանկացած քաղաքակիրթ համայնքի համար, որը ամուր կանգնած է երկու ոտքի վրա՝ տնտեսական, քաղաքական, անվտանգ և արժանապատիվ։

«Երկիր, որն աջակցում է իր գործընկերներին միջազգային առաքելություններում։ Միասնական երկիր, որը հարգում է իր բարեկամներին և գիտի իր արժեքը։ Մենք այսպիսի երկիր ենք կառուցում։ Եվ հենց դրա դեմ է պայքարում ընդդիմությունը։ Վերջին տարիների քաոսից ու պատերազմից մեր երկրին փրկեց միայն մեկ բան՝ դա մեր իմաստուն ժողովուրդն էր և նրա իշխանությունը, որոնք որոշումներ էին կայացնում ինքնուրույն, միայն ազգային շահերից ելնելով։ Այսօր վտանգված են անկախությունն ու ազգային շահերը։ Այդ իսկ պատճառով հոկտեմբերի 26-ին անկախության երկրորդ հանրաքվեն է։ Դրա համար մենք պետք է ևս մեկ անգամ կոչ անենք խելամտության և խաղաղություն բերենք Վրաստանին»,- ասել է Շալվա Պապուաշվիլին։