Շնորհավորում եմ ողջ քրիստոնյա աշխարհի Սուրբ Ծնունդը, այս օրը մեզ հիշեցնում է, թե Տերը մեզ սիրում է, հիշեցնում է, որ մեր հոգին անմահ է, և բոլորիս համար կարևոր է Աստծուն գտնել մեր սրտերում,- այս մասին Facebook-ում գրում է Վրաստանի խորհրդարանի նախագահ Շալվա Պապուաշվիլին։

«Շնորհավորում եմ ողջ Վրաստանին և ողջ քրիստոնեական աշխարհի Սուրբ Ծնունդը։ Թող սերն ու բարությունը լինի բոլորի սրտում, բոլորի ընտանիքում։ Այս օրը մեզ հիշեցնում է, թե որքան է Աստված սիրում մեզ, հիշեցնում է, որ մեր հոգին անմահ է, և բոլորիս համար կարևոր է Աստծուն գտնել մեր սրտերում:

Համայն Վրաստանի Կաթողիկոս-Պատրիարքն իր Սուրբ Ծննդյան նամակում ընդգծել է կարևոր հարցեր, այդ թվում՝ խաղաղության կարևորությունը։ Ոչ բոլորն են լիովին գիտակցում, թե որքանով է աշխարհը կանգնած անդունդի եզրին: Այսօր շարունակվող պատերազմներով, հատկապես մեր տարածաշրջանում։ Հատկապես մեր երկրում բոլորը պետք է տեղյակ լինեն, թե որքան անորոշ է խաղաղությունը և որքան մոտ է անկայունությունը, որը ցանկացած պահի կարող է վերածվել այն աղետի, որը պտտվում է մեր տարածաշրջանում։ Ուստի հատկապես կարևոր է խաղաղության պահպանումը, և կարևոր է, որ ավարտվեն ընթացող պատերազմները»,- հայտարարում է Պապուաշվիլին։

Սուրբ Ծննդյան պատարագին մասնակցել են Վրաստանի վարչապետ Իրակլի Ղարիբաշվիլին, «Վրացական երազանքի» նախագահ Իրակլի Կոբախիձեն, գործադիր և օրենսդիր իշխանությունների ներկայացուցիչներ։