Շատերից լսեցինք, որ սխալ էր, երբ հունիսին Վրաստանին թեկնածուի կարգավիճակ չտրվեց։ Բոլորի դիրքորոշումն է՝ աջակցել Վրաստանի առաջընթացին,- ասել է խորհրդարանի նախագահ Շալվա Պապուաշվիլին, ով խորհրդարանական պատվիրակության հետ աշխատանքային այցով գտնվում է Գերմանիայում։

Նրա խոսքով, Վրաստանն ամեն ինչ անում է թեկնածուի կարգավիճակի չափանիշներին համապատասխանելու համար։ Պապուաշվիլին հույս ունի, որ հաջորդ որոշումը դրական կլինի։

«Այսօր մեր պատվիրակությունը հանդիպումներ ունեցավ Գերմանիայի Բունդեսթագի՝ Հարավային Կովկասի երկրների հետ բարեկամության խմբի, ինչպես նաև տարբեր քաղաքական խմբերի օտարերկրյա խոսնակների հետ։ Բոլորն ունեն միասնական դիրքորոշում՝ բազմակուսակցական և բազմակողմանի աջակցություն Վրաստանի առաջընթացին ԵՄ ինտեգրման առումով։ Մենք շատերից լսեցինք, որ հունիսին ընդունված որոշումը, երբ Վրաստանին թեկնածուի կարգավիճակ չտրվեց, սխալ էր, ուստի մենք անում ենք ամեն ինչ, որպեսզի համապատասխանենք չափանիշներին, բայց քաղաքական մասի մասով, կարծում եմ, որ լիակատար գիտակցում կա, որ ավելի լավ է Վրաստանի վերաբերյալ որոշում հունիսին դրական լիներ: Իհարկե, ապագայում Վրաստանին թեկնածուի կարգավիճակ տրամադրելու որոշումը դրական կլինի»,- ասել է Շալվա Պապուաշվիլին։