«Ինչ վերաբերում է Միխեիլ Սաակաշվիլիին, ապա հարցը պարզ է, նա հանցագործ է և ցանկացած համեմատություն անհետաքրքիր է»,- այսպես պատասխանեց Վրաստանի խորհրդարանի նախագահ Շալվա Պապուաշվիլին լրագրողների հարցին, թե որո՞նք են տարբերություններն ու նմանությունները Ալեքսեյ Նավալնիի և Միխայիլ Սահակաշվիլի միջև։

Ինչպես նշել է Շալվա Պապուաշվիլին, ցանկացած համեմատություն զուրկ է որևէ նպատակից։

«Ցանկացած համեմատություն ընդհանրապես անհետաքրքիր է։ Միխեիլ Սաակաշվիլիի հետ կապված հարցը պարզ է՝ նա հանցագործ է, ոչ թե թեթև հանցագործության համար, այլ մարդ, ով ստեղծել է Վրաստանում խոշտանգումների համակարգն ու ռեժիմը։ Կարևոր է, որ նա կրի իր պատժի ամեն օր։ Սա մեր պատասխանատվությունն է Միխեիլ Սաակաշվիլիի ռեժիմի զոհերի հանդեպ։ Ցանկացած համեմատություն անիմաստ է։ Մեզ համար հիմնական ուշադրությունը Միխեիլ Սաակաշվիլին է՝ որպես հանցագործ։ Նա պետք է իր պատիժը կրի»,- ասել է Պապուաշվիլին։

Այն հարցին, թե ինչու են Վրաստանի իշխանությունները լռում Նավալնիի մահվան մասին, Շալվա Պապուաշվիլին պատասխանել է.«Ընդհանուր առմամբ, ցանկացած մարդու մահը տխուր է։ Այլ հավելյալ մեկնաբանություններ այս թեմայի վերաբերյալ չունեմ»։