Մենք գործ չունենք Ռուսաստանից որևէ զանգվածային ներհոսքի հետ, դա ապատեղեկատվական արշավ է հասարակության մեջ խաղաղություն և հանգստություն թույլ չտալու համար,- պատասխանել է Վրաստանի խորհրդարանի նախագահ Շալվա Պապուաշվիլին Ռուսաստանի քաղաքացիների՝ Վրաստան մուտքի մասին հարցին։

Նա ասաց, որ «վարկաբեկչական արշավ է իրականացվում կառավարության դեմ, և դա հարցեր է առաջացնում, թե ինչու են նման տեղեկություններ տարածվում»։

«Մենք գործ չունենք Ռուսաստանից զանգվածային ներհոսքի հետ։ Ի դեպ, բոլորին ուզում եմ հիշեցնել, որ Ռուսաստանի հետ ցամաքային սահմանը փակ է Ռուսաստանի կողմից։ Լարսի սահմանը հատում են միայն բեռները, և մասնավոր երթևեկություն չկա։ Ինչ վերաբերում է տվյալներին, ապա երեկ որոշ չափով քննարկվել է թեման, որը հասարակության մեջ անհանգստություն մտցնելու և խաղաղություն ու հանգստություն չլինելու համար ապատեղեկատվական արշավի մի մասն է։ Այս գործընթացում հատկապես կարևոր է լրատվամիջոցների դերը, և ես կոչ եմ անում չճշտված տեղեկատվություն չտարածել և իրավիճակը չդրամատիզացնել՝ օբյեկտիվ փաստերի փոխարեն»,- ասել է Շալվա Պապուաշվիլին։