Վրաստանի խորհրդարանի նախագահ Շալվա Պապուաշվիլին, լրագրողների հետ զրույցում, գնահատելով վրացական խորհրդարանական պատվիրակության երկօրյա այցը Ռումինիա, նշեց, որ այցը լի էր հանդիպումներով թե՛ խորհրդարանի, թե՛ կառավարության մակարդակով։

Պապուաշվիլիի խոսքով, հանդիպումների հիմնական թեման եղել է Վրաստանի եվրաինտեգրման և Վրաստանի և Ռումինիայի երկկողմ հարաբերությունների հարցերը։

«Այս երկու օրերն ամբողջությամբ հագեցած էին հանդիպումներով՝ թե՛ խորհրդարանի մակարդակով, թե՛ կառավարությունում։ Ամենուր գլխավոր թեման Վրաստանի եվրաինտեգրումն էր, ինչպես նաև երկկողմ հարաբերությունները, որոնք ստացան ռազմավարական համագործակցության ձև։ Այս բոլոր հանդիպումներում զգացվում էր ռազմավարական գործընկերության բովանդակությունը։ Ընդգծվում է երկու երկրների առանձնահատուկ դերը Եվրամիության թե՛ տնտեսական, թե՛ անվտանգության հարցերում։ Մենք բազմիցս լսել ենք մեր ռումինացի գործընկերներից, որ կարևոր է ռազմավարական հարաբերություններն ավելի ու ավելի բովանդակությամբ լցնել՝ լինի դա խորհրդարանական մակարդակ, թե այլ հարթություններ։ Մենք մտադիր ենք ավելի սերտ համագործակցել խորհրդարանական մակարդակով»,- ասել է Շալվա Պապուաշվիլին։