Ռումինիայի Սենատի նախագահ Նիկոլաե Չուկայի հետ հանդիպման ժամանակ ես մանրամասնորեն խոսել եմ Վրաստանի առաջընթացի մասին Եվրամիությանն ու ՆԱՏՕ-ին միանալու ճանապարհին,- այս մասին իր ֆեյսբուքյան էջում գրում է Վրաստանի խորհրդարանի նախագահ Շալվա Պապուաշվիլին։

Նրա խոսքով, Սենատի նախագահը դրական է գնահատել Վրաստանի կողմից իրականացվող բարեփոխումները։

«Ես շնորհակալություն հայտնեցի ռումինական կողմին Վրաստանի տարածքային ամբողջականությանն ու եվրոպական ապագային ցուցաբերած հաստատակամ ու անսասան աջակցության համար։ Հանդիպմանը խոսվել է Վրաստանի և Ռումինիայի ռազմավարական գործընկերության մասին։ Ես նշեցի Նիկոլաե Չուկայի առանձնահատուկ ներդրումը վրաց-ռումինական հարաբերությունների խորացման գործում։ Մենք քննարկել ենք երկու երկրների համագործակցությունը խորհրդարանական մակարդակով, ինչպես նաև տնտեսության և էներգետիկայի ոլորտներում։ Ես մանրամասն խոսեցի Վրաստանի առաջընթացի մասին Եվրամիությանն ու ՆԱՏՕ-ին միանալու ճանապարհին։ Ես ընդգծեցի ներկա պատմական ժամանակաշրջանում Ռումինիայից Վրաստանին հետագա աջակցության կարևորությունը։ Սենատի նախագահը դրական է գնահատել Վրաստանի կողմից իրականացվող բարեփոխումները։ Նա նշել է, որ Եվրամիության և ՆԱՏՕ-ի համար կարևոր է ճանաչել և գնահատել Վրաստանի արդյունքները և երկրի ներդրումը միջազգային առաքելություններում։ Նա նաև ասել է, որ Ռումինիան կշարունակի աջակցել Վրաստանին Եվրամիությանն ու ՆԱՏՕ-ին միանալու ճանապարհին»,- գրել է Շալվա Պապուաշվիլին։