Օ՛Բրայենն ընդգծել է, որ «Արտաքին ազդեցության թափանցիկություն»-ը Վրաստանի համար ազգային շահի հարց է։ Ուրախ եմ, որ այդ մասին նշվեց և ընդունվեց ճեպազրույցում»,- ասել է Վրաստանի խորհրդարանի նախագահ Շալվա Պապուաշվիլին։

Ինչպես նշեց Պապուաշվիլին, հետաքրքիր հանդիպում է կայացել ԱՄՆ պետքարտուղարի Եվրոպայի և Եվրասիայի հարցերով օգնական Ջիմ Օ՛Բրայենի հետ։

«Օ’Բրայենի հետ կառուցողական ու հետաքրքիր երկարատև հանդիպում ունեցանք։ Ես ուրախ եմ, որ նա նշեց որոշ բաներ, որոնց մասին մենք խոսեցինք: Նա ընդգծել է, որ «Արտաքին ազդեցության թափանցիկություն»-ը Վրաստանի համար ազգային շահի հարց է։ Այս առումով մենք համաձայն ենք, որ բոլոր երկրների, ինչպես նաև Ամերիկայի Միացյալ Նահանգների, այլ երկրների, ինչպես նաև Վրաստանի ազգային շահերի հարց է «Արտաքին ազդեցություն»-ը հանրության համար թափանցիկ դարձնելը։ Ուրախ եմ, որ ճեպազրույցում սա նույնպես նշվեց, ընդգծվեց ու ճանաչվեց։ Միևնույն ժամանակ, մենք զրույց ունեցանք, ներառյալ մեր հարցերը ամերիկյան ֆինանսավորման վերաբերյալ, որոնց մասին մենք խոսում ենք հրապարակայնորեն, Ժողովրդավարության ամերիկյան ազգային հիմնադրամի ֆինանսավորման մասին։ Այստեղ էլ մենք պայմանավորվածություն ունենք տարբեր դերակատարների հետ, որ ֆինանսավորումն իսկապես մասամբ անթափանց է և որոշ նախագծերի հետ կապված կան որոշ հարցականներ։ Ուստի մենք մեր մտահոգությունները հայտնել ենք խնդրի վերաբերյալ։ Ինքնին այս օրենքն ընդգրկում է բազմաթիվ հարցեր։ Մենք գտնվում ենք բարդ տարածաշրջանում, և դա վերաբերում է տարբեր կողմերի ազդեցությանը՝ լինի դա Ռուսաստանը, թե այլ ուղղություններ, սակայն, քանի որ այս դեպքում արևմտյան գործընկերները մտահոգություն են հայտնում, մենք խոսում ենք նրանց հետ և խոսում օրինակներով, որտեղ. մենք տեսնում ենք մարտահրավերները, որոնք գալիս են իրենց տարածքից, որ կան միջոցներ, որոնք ոչ թափանցիկ են ծախսվում Վրաստանում։ Ես բազմիցս ասել եմ՝ անցած տարի մեկ տարի ծախսել եմ այս հիմնադրամներին, հասարակական կազմակերպություններին, դեսպանատներին համոզելու, որ իրենք թափանցիկություն ապահովեն։ Ցավոք սրտի, ես չեմ կարողացել արդյունքի հասնել, այդ թվում՝ ամերիկյան միջոցներով։ Ուստի օրենսդիրի պարտականությունն է վրաց ժողովրդի անունից կարգավորել այդ հարցը, ինչը երեկ Օ’Բրայենը նույնպես նշեց որպես ազգային շահերի հարցեր»,- ասել է Շալվա Պապուաշվիլին։