Նախագահը ուշացրեց համաներման մասին օրենքի ստորագրումը, մարդիկ, ովքեր սպասում էին բանտարկյալների վերադարձին իրենց ընտանիքներ, ստիպված էին սպասել 2 շաբաթ,- ասել է խորհրդարանի նախագահ Շալվա Պապուաշվիլին։

Նրա խոսքով, Սալոմե Զուրաբիշվիլին զբաղված է եղել քաղաքական շրջադարձերով, ինչը նրա գործը չէ։

«Ինչ վերաբերում է համաներմանը, մենք տեսել ենք ընդդիմության ու նախագահի համակցված ամոթալի դիրքորոշումը։ Մենք տեսանք, որ նախագահը 2 շաբաթ ուշացրեց համաներման մասին օրենքի ստորագրումը, նա զբաղված էր քաղաքական շրջադարձերով, որն իրոք նրա գործը չէ։ Մարդիկ, ովքեր ակնկալում էին, որ բանտարկյալները կվերադառնան իրենց ընտանիքները, ստիպված էին սպասել 2 շաբաթ։ Նման մարդկանց հետ գործ ունենք։ Ընդդիմությունը, գիտեք, չաջակցեց այս օրենքին, և սա ևս մեկ անգամ ցույց է տալիս նրանց տրամադրվածությունը։ Նրանք չեն մտածում ժողովրդի մասին, նրանք նայում են, թե դրսից ինչ հրաման է գալու, նրանք նայում են, թե ինչ հանձնարարականներ են ստանալու բանաձեւում, որպեսզի հետո կատարեն այդ հրահանգները, ոչ թե վրաց ժողովրդի կամքը»,- ասել է Պապուաշվիլին։