Հիշու՞մ եք, թե ինչպես Ուկրաինա Ռուսաստանի ներխուժումից հետո թե՛ ներքինները, թե՛ դրսից, մեզանից պահանջում էին կամավորներ ուղարկել, պատժամիջոցներ կիրառել, փակել երկինքը, գնալ էսկալացիայի և այդպիսով ոչնչացնել տարիների ընթացքում կառուցված խաղաղությունն ու բարգավաճումը,- ասաց Վրաստանի խորհրդարանի նախագահ Շալվա Պապուաշվիլին Թելավիում նախընտրական քարոզարշավի ժամանակ:

Խորհրդարանի նախագահի խոսքով, եթե այն ժամանակ իշխանության ղեկին լիներ ներկայիս ընդդիմությունը, ինչպես 2008-ի օգոստոսի սովորական արեւոտ օրը, ապա մեկ վայրկյանում կվերադառնար պատերազմի սեւ ու սպիտակ իրականությունը։

«Վերադարձնել պատերազմի սեւ-սպիտակ իրականությունը, նորից ջարդել հազիվ ինքնավստահ դարձած գյուղացուն։ Եվ սա անվանում էին «պատմության ճիշտ կողմում» լինել։ Միգուցե մենք տարբեր պատմական գրքեր ենք կարդում, բայց չգիտեմ, թե որ պատմությունը կհամարեր մի ամբողջ ժողովրդի զոհաբերել պատերազմի համար՝ ճիշտ կողմում լինել: Այն ժամանակ մենք չհավատացինք մեր թշնամիների ու բարի կամեցողների խորհրդին և կանգնեցինք պատմության ճիշտ կողմում, Վրաստանի պատմության ճիշտ կողմում, քանի որ լսեցինք և հավատացինք ձեզ՝ վրաց ժողովրդին։ Պատկերացրեք՝ այսօրվա ընդդիմությունն այն ժամանակ իշխանություն լիներ։ Նրանք աչք էլ չէին թարթի, կհետևեին պատժամիջոցներին, էմբարգոյին և էսկալացիային: Եվ ինչպես 2008 թվականի օգոստոսի սովորական արևոտ օրը, պատերազմի սև ու սպիտակ իրականությունը կվերադառնար մեկ վայրկյանում: Իսկ ի՞նչ կասեինք մեր երեխաներին, ինչու՞ փչացրինք ապագան։ Ի՞նչ կասեինք մարդկանց, ում կյանքը մեկ վայրկյանում կփոխվեր։ Ո՞վ կստանձներ պատասխանատվությունը: Միգուցե՞ այսօրվա ընդդիմությունը, որը պատերազմի դաշտում թողեց մեր հերոս զինվորներին ու բնակչությանը և փախավ երկրից։ Մեր և ուրիշների պատերազմները մեզ սովորեցրել են, որ ոչ ոք չի կռվի քո կռվում: Դրա համար մենք հոկտեմբերի 26-ին պետք է ասենք՝ մենք ուզում ենք իշխանություն, որը լսում ու հավատում է ժողովրդին, թե՞ իշխանություն, որը լսի ու հավատա ուրիշին»,- իր ելույթի ժամանակ ասել է Շալվա Պապուաշվիլին։