«Մենք Փարիզի Օլիմպիական խաղերն ավարտեցինք պատմության լավագույն արդյունքով և 206 օլիմպիական թիմերի մեջ գրավեցինք 24-րդ տեղը։ Շնորհակալություն մեր օլիմպիականներին և բոլոր նրանց, ովքեր նպաստել են այս արդյունքին»,- այս մասին սոցցանցում գրառում է Վրաստանի խորհրդարանի նախագահ Շալվա Պապուաշվիլին։

Ինչպես նշում է Պապուաշվիլին, այս պատմական արդյունքով Վրաստանը առաջ է ընկնում ԵՄ անդամ 18 երկրներից։

Խորհրդարանի նախագահի խոսքով, վերջին տարիներին Վրաստանը կայուն առաջատար է թե՛ տնտեսական աճի, թե՛ կառավարման ցուցանիշներով ոչ միայն տարածաշրջանում, այլև որոշ դեպքերում ԵՄ անդամ երկրների համեմատ։

«Փարիզի Օլիմպիական խաղերն ավարտեցինք պատմության լավագույն արդյունքով և 206 օլիմպիական թիմերի մեջ գրավեցինք 24-րդ տեղը։ Շնորհակալություն մեր օլիմպիականներին և բոլոր նրանց, ովքեր իրենց ներդրումն ունեցան այս արդյունքի համար: Նշենք, որ այս պատմական արդյունքով մենք առաջ ենք անցել ԵՄ անդամ 18 երկրներից, մինչդեռ ԵՄ 5 երկրներ մեդալներ չեն նվաճել։ Վերջին տարիներին Վրաստանը կայուն առաջատար է ինչպես տնտեսական աճի, այնպես էլ կառավարման ցուցանիշներով ոչ միայն տարածաշրջանում, այլև որոշ դեպքերում ԵՄ անդամ երկրների համեմատ։ Մեր ժողովրդի տաղանդի հետ մեկտեղ այս զարգացումով է պայմանավորված Օլիմպիական խաղերի պատմական արդյունքը։ Այն ֆոնին, երբ ընդդիմությունը զբաղված է օտարներին հերոսացնելով և վրացիներին նվաստացնելով, ողորմություն է խնդրում դրսից, մինչդեռ  Վրաստանի առաջընթացն ու հզորությունը մեր ներսում է, և որ այս երկրի ներկան այնքան պայծառ է, որքան նրա ապագան: Թող ընդդիմությունը երդումներ տա և կրկնենք ամենուր և միշտ մեր սրտերում և հրապարակավ ասենք #հպարտեմորվրացիեմ»,- գրառել է խորհրդարանի նախագահը։