Արդյունավետ այց է կատարվել Միացյալ Թագավորություն, կարևոր է, որ մեր պատվիրակությունն առաջին օտարերկրյա պատվիրակությունն էր, որն այցելեց Միացյալ Թագավորություն համաճարակի ժամանակ, և այս առումով ընդգծվեց նաև մեր հարաբերությունների յուրահատկությունը։ Հանդիպումները ցույց տվեցին, որ Վրաստանը գտնվում է Միացյալ Թագավորության ուշադրության ներքո,- այսպես է գնահատում Վրաստանի խորհրդարանի նախագահ Շալվա Պապուաշվիլին իր այցը Միացյալ Թագավորություն։

«Մենք լավ համագործակցություն ունենք պաշտպանության և անվտանգության ոլորտում, ինչպես նաև խորհրդարանական մակարդակով՝ խորհրդարանական ժողովրդավարության զարգացման առումով։ Հանդիպումների ընթացքում ընդգծվել է, որ Միացյալ Թագավորության համար կարևոր է մեր սերտ հարաբերությունները և այդ հարաբերությունների զարգացումը։ Հանդիպում է կայացել նաև «Վեսթմինսթերի Ժողովրդավարության հիմնադրամում», որը սերտորեն համագործակցում է խորհրդարանի հետ: Սա նույնպես Միացյալ Թագավորության հետ համագործակցության արդյունքներից է։ Մենք խոսեցինք ապագա համագործակցության մասին»,- ասել է Շալվա Պապուաշվիլին։

Խորհրդարանի նախագահն ավարտել է իր այցը Միացյալ Թագավորություն։ Խորհրդարանական պատվիրակության ներկայացուցիչները վաղը կշարունակեն հանդիպումները Մեծ Բրիտանիայում։ Պատվիրակության կազմում են պատգամավորներ՝ Նիկոլոզ Սամխարաձեն, Նինո Ծիլոսանին, Գիորգի Խելաշվիլին և Թեոնա Աքուբարդիան։

Տեղեկությունը տարածում է Վրաստանի խորհրդարանի մամուլի ծառայությունը։