Շալվա Պապուաշվիլի. Քաղաքականության մեջ բռնության տեղ չպետք է լինի, հուսով եմ, որ Դոնալդ Թրամփի վրա հարձակման սարսափելի դեպքը շրջադարձային կլինի բոլոր պարկեշտ մարդկանց համար՝ դատապարտելու բռնությունը
Քաղաքականության մեջ բռնության համար տեղ չպետք է լինի, հուսով եմ, որ Դոնալդ Թրամփի վրա հարձակման սարսափելի դեպքը բեկումնային կլինի, որ բոլոր պարկեշտ մարդիկ կդատապարտեն բռնությունը,- այս մասին սոցիալական ցանցում գրում է Վրաստանի խորհրդարանի նախագահ Շալվա Պապուաշվիլին։
«Ես խորապես մտահոգված եմ այն բռնությամբ, որը քիչ էր մնում խլեր նախագահի թեկնածու Դոնալդ Թրամփի կյանքը։
Քաղաքականության մեջ բռնության համար տեղ չպետք է լինի, և ես հուսով եմ, որ այս սարսափելի միջադեպը շրջադարձային կլինի բոլոր պարկեշտ մարդկանց համար՝ դատապարտելու արմատական և ծայրահեղական բռնությունը։
Մաղթում եմ նախագահ Թրամփին շուտափույթ և լիարժեք ապաքինում և իմ ցավակցությունները նրա ընտանիքին։ Մենք Ամերիկայի ժողովրդի հետ ենք»,- գրել է Պապուաշվիլին սոցցանցում։
Տեղեկության համար՝ Բաթլեր քաղաքում աջակիցների հետ հանդիպման ժամանակ կրակել են ԱՄՆ նախկին նախագահ Դոնալդ Թրամփի վրա։ Արդյունքում նա վիրավորվել է, սակայն նրա կյանքին վտանգ չի սպառնում։ Հրաձգության ժամանակ սպանվել է հանրահավաքի մեկ մասնակից։ Եվս երկուսի վիճակը ծանր է։ ԱՄՆ Հետաքննությունների դաշնային ծառայության տվյալներով՝ Փենսիլվանիայում Դոնալդ Թրամփին սպանելու փորձ է եղել։ Բացի այդ, քննչական ծառայությունը հայտարարել է, որ Թրամփի վրա հարձակման մեջ ներգրավված անձը 20-ամյա Թոմաս Մեթյու Քրուքսն է։
