Վրաստանի վարչապետ Իրակլի Ղարիբաշվիլին հունիսի 30-ին Վրաստանի խորհրդարանին կներկայացնի իր տարեկան զեկույցը։ Այս մասին Բյուրոյի այսօրվա նիստում ասել է Վրաստանի խորհրդարանի նախագահ Շալվա Պապուաշվիլին։

«Ամեն ինչ ժամանակին կլինի, ժամկետը համաձայնեցված է։ Հունիսի 30-ին վարչապետը տարեկան հաշվետվություն կներկայացնի խորհրդարան, ժամանակին կտրամադրվի նաև գրավոր հաշվետվությունը։ Այս ամենն արդեն համաձայնեցված է վարչապետի հետ»,- ասել է Շալվա Պապուաշվիլին։

Պապուաշվիլին նշված հայտարարությունն արել է՝ ի պատասխան «Ազգային շարժման» անդամ Թինա Բոկուչավային, ով հետաքրքրվել է, թե Իրակլի Ղարիբաշվիլին երբ է ներկայացնելու զեկույցը խորհրդարանին։

«Կանոնակարգի համաձայն՝ երկրի վարչապետը պարտավոր է տարեկան հաշվետվություն ներկայացնել մինչև հունիսի 1-ը։ Հատկապես այն ֆոնին, երբ այդ մարդը գործնականում ամեն օր հակաարևմտյան, հակասահմանադրական, հակապետական ​​հայտարարություններ է անում, ճիշտ կլինի, որ վարչապետից պահանջեք ներկայանա խորհրդարան և տա ամենահրատապ հարցերի պատասխանները»,- ասել է Թինա Բոկուչավան։