Փաստորեն, ընտրություններն ընթանում են հանգիստ մթնոլորտում, բայց երեք հեռուստաընկերություններ փորձում են ցույց տալ, իբր աժիոտաժ է,- ասաց «Վրացական երազանքի» հասարակայնության հետ կապերի քարտուղար Շալվա Պապուաշվիլին։

Նա ասաց, որ ողջ օրվա ընթացքում լրատվամիջոցներում լիակատար հիստերիա է: Ըստ Պապուաշվիլիի, որոշ լրատվամիջոցներ դա ներկայացում են, թե իբր լարվածություն կա ընտրատեղամասերի մոտ, բայց իրականում մենք տեսնում ենք զավեշտական ​​իրավիճակներ։

«Դեռևս շարունակվում է ապատեղեկատվության տարածումը երկու ID քարտերի մասին: «Ազգային շարժումը» կեղծ տեղեկատվական քարոզարշավ է իրականացրել, իբր հայտնաբերված երկու նույնականացման քարտերը վկայում են, որ ընտրությունները կեղծվել են։ Պարզաբանումը տվել է արդարադատության նախարարությունը՝ անձը փոխել է ազգանունը, և քանի որ դա տեղի է ունեցել սեպտեմբերի 15-ին ցուցակները ԿԸՀ հանձնելուց հետո, այդ անձը գրանցվել է հին ազգանունով: Չնայած այս բացատրությանը, հեռուստաընկերություններն ու ընդդիմությունը ակտիվ քարոզչություն են իրականացնում, իբր սա ինչ-որ խախտում է։

Ես դիմում եմ անձնական տվյալների պաշտպանության տեսուչին, քանի որ մենք բախվում ենք անձնական տվյալների խախտմանը և պետք է արձագանքենք դրան: Դիմում եմ լրատվամիջոցներին և «Ազգային շարժմանը» դադարեցնել շահարկումները, քանի որ սա ընտրությունները վարկաբեկելու փորձ է։ Ողջ օրը լրատվամիջոցներում կատարյալ հիստերիա է: Ուզում են այնպիսի պատկեր ներկայացնել, թե իբր լարվածություն կա տեղամասերի մոտ, իրականում տեսնում ենք զավեշտական ​​իրավիճակներ։ Երբեմն մեր ներկայացուցիչներին նպատակաուղղված խոչընդոտում են իրենց գործունեության մեջ։ Մենք տեսանք Գլդանիի ընտրատեղամասերից մեկում, թե ինչպես են հետապնդում մի կնոջ, իբր նա երկու անգամ է քվեարկել։ 1800 ընտրատեղամասերից միջադեպ տեղի է ունեցել հինգ ընտրատեղամասում։ Զուգդիդիում մեկ լուրջ միջադեպ է եղել, «Ազգային շարժման» սադրիչները աչքի են ընկել սադրանքներով: Իրականում ընտրություններն ընթանում են հանգիստ մթնոլորտում, սակայն երեք հեռուստաընկերություններ փորձում են ցույց տալ, որ աժիոտաժ կա»,- ասել է Շալվա Պապուաշվիլին։