Շալվա Պապուաշվիլի. հակակոռուպցիոն բարելավված ցուցանիշներով Վրաստանը Եվրոպայի լավագույն երկրների հնգյակում է
2022 թվականի կոռուպցիայի ընկալման ինդեքսով Վրաստանը գլոբալ 41-րդ տեղում է և առաջին անգամ ընդգրկվել է Եվրոպայի լավագույն 20-յակում,- այս մասին Twitter-ի իր էջում գրում է Վրաստանի խորհրդարանի նախագահ Շալվա Պապուաշվիլին։
Պապուաշվիլիի խոսքով՝ Վրաստանը Եվրոպայի լավագույն երկրների հնգյակում է՝ բարելավված հակակոռուպցիոն ցուցանիշներով։
«Վրաստանն ունի նույն ցուցանիշը, ինչ Չեխիան, Իտալիան և Սլովենիան՝ առաջ անցնելով Եվրամիության անդամ ինը երկրներից և թեկնածու բոլոր երկրներից։ Նաև հակակոռուպցիոն բարելավված ցուցանիշներով Վրաստանը Եվրոպայի լավագույն 5 երկրների շարքում է»,- գրել է Պապուաշվիլին։