Վրաստանի խորհրդարանի նախագահ Շալվա Պապուաշվիլիի կարծիքով՝ ցանկացած համատեքստում մահափորձի մասին հիշատակումը ցնցող է։

Շալվա Պապուաշվիլին արձագանքել է Վրաստանի վարչապետ Իրակլի Կոբախիձեի հայտարարությանը։

«Այս մասին ինձ տեղեկացրել է վարչապետը։ Իսկապես ապշեցուցիչ է սպանության փորձն այս համատեքստում բերելը: Համենայնդեպս, ցանկացած համատեքստում այս փաստի հիշատակումը ապշեցուցիչ է։ Լրացուցիչ մեկնաբանություններ չեմ կարող անել»,- ասել է Պապուաշվիլին։

Վրաստանի վարչապետ Իրակլի Կոբախիձեն այսօր հայտարարություն է տարածել, որում ասվում է. «Նույնիսկ երկարատև շանտաժի ֆոնին ցնցող էր սպառնալիքը, որը հնչել էր եվրահանձնակատարներից մեկի հետ հեռախոսազրույցի ժամանակ… Տեսաք Ֆիցոյի հետ ինչ եղավ ու պետք է շատ զգույշ լինես»։

«Նույնիսկ երկարաժամկետ շանտաժի ֆոնին զարմանալի էր սպառնալիքը, որը հնչել էր եվրահանձնակատարներից մեկի հետ հեռախոսազրույցի ժամանակ։ Մասնավորապես, ինձ հետ զրույցում եվրահանձնակատարը թվարկեց մի շարք միջոցներ, որոնք կարող են ձեռնարկել արևմտյան քաղաքական գործիչները թափանցիկության օրենքի վրա վետոն հաղթահարելուց հետո, և այդ միջոցները թվարկելիս նշեց. Տեսաք Ֆիցոյի հետ ինչ եղավ, շատ զգույշ եղեք: Երբ թափանցիկության մասին օրենքի հետ կապված շանտաժի համատեքստում նշում են օրեր առաջ ահաբեկչության ենթարկված Սլովակիայի վարչապետին, ով այս պահին բուժման մեջ է, դա մեզ համար չափազանց մտահոգիչ է»,- ասված է վարչապետի հայտարարության մեջ։