Բորելի հետ հանդիպմանը մենք ընդգծել ենք, որ կարևոր է Եվրամիության փաստաթղթերում սահմանել օկուպացիա տերմինը Աբխազիայի և Ցխինվալիի տարածաշրջանի վերաբերյալ,- ասել է Վրաստանի խորհրդարանի նախագահ Շալվա Պապուաշվիլին։

Նրա խոսքով, ցավալի է, որ Վրաստանի տարածքի այս հատվածները Եվրամիության փաստաթղթերում նշված չեն որպես օկուպացված շրջաններ։

«Մենք խոսեցինք տարածաշրջանում տիրող իրավիճակի մասին անվտանգության առումով, ընդգծեցինք, որ մեզ համար կարևոր է գոնե հիմա, այլ տերմինաբանության փոխարեն, Աբխազիայի և Ցխինվալի տարածաշրջանի վերաբերյալ Եվրամիության փաստաթղթերում սահմանել օկուպացիա տերմինը։ Կարևոր է ամեն ինչին իր անունը տալ։ Ցավոք, Վրաստանի տարածքի այս հատվածները ԵՄ փաստաթղթերում նշված չեն որպես օկուպացված շրջաններ։ Այս առումով կարևոր է, որ մենք զգանք հարցերի պատշաճ գնահատականը Եվրամիության կողմից»,- ասել է Պապուաշվիլին։