Կարևոր է, որ Բելառուսը, որը չճանաչման քաղաքականությանը հավատարիմ երկիր էր, մնա այդ չճանաչման քաղաքականության շրջանակում,- ասել է Վրաստանի խորհրդարանի նախագահ Շալվա Պապուաշվիլին՝ ի պատասխան Բելառուսի նախագահ Ալեքսանդր Լուկաշենկոյի՝ օկուպացված Աբխազիա «այցի» մասին հարցին։

Պապուաշվիլիի խոսքով՝ ինքը հույս ունի, որ Վրաստանի իշխանության կողմից արված դիվանագիտական ​​քայլերն ու հայտարարությունները կհասնեն հասցեատերերին, և կլինեն համարժեք արձագանքներ։

«Այստեղ գլխավորը, իհարկե, շատ պարզ, հստակ եւ միաժամանակ հաշվարկված դիվանագիտական ​​քայլերն են։ Մենք տեսանք, որ բավական համարժեք, խիստ արձագանք եղավ Վրաստանի արտաքին գործերի նախարարության կողմից, երբ Բելառուսի դեսպանին կանչեցին և բացատրություններ պահանջեցին։

Մեզ համար բացարձակապես անընդունելի է օտար երկրի ղեկավարի մուտքը Վրաստանի տարածք առանց վրացական իշխանությունների հետ համաձայնության։ Մյուս կողմից, կարևոր է, որ Բելառուսը, որը չճանաչման քաղաքականությանը հավատարիմ երկիր էր, մնա այդ չճանաչման քաղաքականության շրջանակներում։ Ուստի, հուսով եմ, որ Վրաստանի արտաքին գործերի նախարարության դիվանագիտական ​​քայլերը և մեր կողմից հնչող հայտարարությունները հասել են հասցեատիրոջը, և մենք կունենանք համարժեք արձագանքներ։ Բավական է, երբ տեսնենք, որ Բելառուսը չի շեղվելու չճանաչման քաղաքականությունից, քանի որ մեր երկրների հարաբերությունները մի կողմից արժանի չէին այս քայլին, իսկ մյուս կողմից սա ծայրահեղ կարմիր գիծ է։ Դրա համար կիրառվեցին համապատասխան դիվանագիտական ​​գործիքներ, արվեցին հայտարարություններ, և հուսով եմ, որ հասցեատերը դա տեղին կընկալի»,- ասել է Շալվա Պապուաշվիլին։