Մենք տեսնում ենք, որ պայքարի մեջ են ներքաշված օլիգարխիկ խմբեր, շրջանառվում են սեւ փողեր, արտաքին ազդեցություններ և դրա համար էլ այն, ինչ կատարվում է «Ազգային շարժում»-ում, շատ լավ է, քանի որ երկրում կա քաղաքական ֆորմացիա, որն ամբողջությամբ կառավարվում է դրսից, այդ թվում՝ երկիր եկող փողերը, դրսից»,- ասել է խորհրդարանի նախագահ Շալվա Պապուաշվիլին։

Նրա խոսքով, «Ազգային շարժման» հռչակված առաջնորդը օտար երկրի քաղաքացի է և հանցագործ, իսկ նրա ոչ ֆորմալ կառավարիչը հանցագործ է և եվրոպացի թոշակառուների փողերով ֆինանսավորում է Վրաստանի ընդդիմադիր քաղաքականությունն ու լրատվամիջոցները։

«Այս ամենը վրացական քաղաքականության վրա օլիգարխիկ կառավարման վնասակար ազդեցությունն է։ Կարևոր է նվազեցնել այդ ազդեցությունը վրացական քաղաքականության վրա։ «Ազգային շարժում»-ում այս գործընթացները միայն թվաբանական նշանակություն ունեն եւ ոչ մի բովանդակային նշանակություն։ Այստեղ արժեքների մասին վեճ չկա։ «Ազգային շարժումը» մնալու է նույն բռնի կուսակցությունը, ինչպիսին եղել է, կմնա նաև նույն կոռումպացված կուսակցությունը, և կշարունակի ակտիվ մնալ երկրի շահերի դեմ, ինչպես եղել է։ Մինչ այժմ «Ռազմավարություն Աղմաշենեբելին» առանձնացել էր, հիմա նորից միացել են։ Առանձնացված «Լելո», «Գիրչի», «Դրոա», սա ֆարս է, արժեքով մեկ են։ «Ազգային շարժում», «Գիրչի», «Դրոա», «Լելո», «Ռազմավարություն Աղմաշենեբելի», սա մեկ արժեքով գործող խումբ է, որը մարտիկ է վրաց ժողովրդի շահերի դեմ, վրաց ժողովուրդը հերթական անգամ նրանց կասի ոչ ընտրություններին և ցույց կտա նրանց տեղը»,- ասել է Պապուաշվիլին։