Այսօր Կոռուպցիայի դեմ պայքարի միջազգային օրն է, և այս առումով Վրաստանը կարող է ևս մեկ անգամ հպարտանալ մեր ունեցած ձեռքբերումներով,- լրագրողներին ասել է Վրաստանի խորհրդարանի նախագահ Շալվա Պապուաշվիլին։

Նրա խոսքով, Վրաստանը տարածաշրջանում առանձնահատուկ երկիր է և առաջ է անցել ԵՄ վեց և ՆԱՏՕ-ի ինը երկրներից։

«Ավելի շատ, քան բոլոր թեկնածու երկրները, մեր երկիրը ազատ է կոռուպցիայից։ Սա, իհարկե, Վրաստանի իշխանության արժանիքն է։ Մենք ունենք այնպիսի իրավական դաշտ և այնպիսի կանխարգելման ու վերահսկողության մեխանիզմներ, որոնք ապահովում են Վրաստանի առաջընթացը կոռուպցիայի դեմ պայքարում։ Այս ձեռքբերումները նշված են Եվրահանձնաժողովի եզրակացության մեջ, և այս առումով հպարտություն է, որ մենք առաջադեմ դիրքեր ենք պահպանում»,- ասել է Պապուաշվիլին։