Մենք տեսնում ենք, թե ինչպես է ընդդիմության մի մասը փորձում խաթարել եվրաինտեգրման գործընթացը,- ասել է Վրաստանի խորհրդարանի նախագահ Շալվա Պապուաշվիլին։

Նրա խոսքով, ուղղակիորեն տորպեդահարվում է թեկնածուի կարգավիճակ ստանալու գործընթացը:

Պապուաշվիլիի խոսքով՝ վրաց ժողովուրդը համապատասխան պատասխան կտա նրանց, ովքեր հետ են մնում Վրաստանի եվրոպական ապագայի գնացքից։

«Սա կարող ենք տեսնել թե՛ ուղիղ հայտարարություններում, թե՛ այս գործի նկատմամբ նրանց վերաբերմունքից։ Դժվար է սրա վերաբերյալ որևէ մեկնաբանություն անել, մենք մեր պատասխանատվությունն ունենք և այսպես ենք գործում։ Իշանությունն ինքնին պատասխանատու է հանձնարարականների իրականացման համար։ Մենք դա անում ենք բարեխղճորեն: Վրաստանի եվրոպական ապագայի գնացքից հետ մնացածներին վրաց ժողովուրդը համապատասխան պատասխան կտա:

Երբ դեմ են գնում վրաց ժողովրդի կամքին, նկատի ունեմ արմատական ​​ընդդիմությանը, վրաց ժողովրդի կողմից ստանում են պատշաճ բացասական պատասխան, և դա էլի կլինի»,- ասել է Շալվա Պապուաշվիլին։