Սերժ Սարգսյանը Իլիա երկրորդին՝ հիշում եմ ձեր խոսքերը, երբ ասացիք, որ մենք սովորական հարևաններ չենք, մենք եղբայրներ ենք

11:26, 26.12.2017

Շնորհակալություն հայ ժողովրդի անունից աղոթքների համար, ամեն ինչի, ինչ արել եք երկու ժողովուրդների բարեկամության համար,- այսպես է դիմել Հայաստանի Հանրապետության նախագահ Սերժ Սարգսյանը Վրաստանի կաթողիկոս պատրիարք Իլիա երկրորդին պատրիարքարանում ընթացող հանդիպման ժամանակ:

«Շատ ուրախ եմ ձեր հետ հանդիպման կապակցությամբ: Ցանկանում եմ սրտանց շնորհավորեմ ձեր գահակալության 40-ամյա հոբելյանի առիվ և մեկ անգամ ևս ընդգծեմ ձեր 40 տարիների ընթացքում արված մեծ աշխատանքը:

Շնորհակալություն հայ ժողովրդի անունից աղոթքների համար, ամեն ինչի, ինչ արել եք երկու ժողովուրդների բարեկամության համար: Ես հիշում եմ ձեր խոսքերը, երբ ասացիք, որ մենք սովորական հարևաններ չենք, մենք եղբայրներ ենք, մեզ կապում է հազարավոր տարվա բարեկամություն և շնորհակալ եմ աստծուց, որ այս տարիների ընթացքում չի եղել այնպիսի բան, որը կարող էր խախտել այս բարեկամությունը:

Մենք անպայման կշարունակենք մեր բարեկամական հարաբերությունները»,- հայտարարել է Սերժ Սարգսյանը:

Հեղինակ - Edgar Barsegyan

Հասարակական

Սերժ Սարգսյանի այցը Վրաստան