Ըստ «Ռազմավարությունը՝ շինարար» կուսակցության անդամ Սերգո Չիխլաձեի, թիվ մեկ խնդիրն այն է, որ ընդդիմությունը ընտրություններում հավաքի հնարավորինս շատ կուսակցական ձայներ, որպեսզի «Վրացական երազանքը» չկարողանա հավաքել 43 տոկոս:

«Հաջողություն ենք մաղթում բոլոր ընդդիմադիր թեկնածուներին: Ամբողջ ընդդիմադիր սպեկտրի խնդիրն է՝ հնարավորինս շատ ձայներ հավաքել ինչպես կուսակցական, այնպես էլ մեծամասնականների և քաղաքապետերի մասով, սակայն մեզ և մյուս ընդդիմադիր կուսակցությունների համար թիվ մեկ խնդիրն է՝ ստանալ որքան հնարավոր է շատ կուսակցական ձայներ, որպեսզի «Վրացական երազանքը» չհավաքի 43 տոկոս», – ասել է Սերգո Չիխլաձեն:

Իսկ թե «Ռազմավարությունը՝ շինարարը» Փոթիում սեփական թեկնածու կունենա՞, Սերգո Չիխլաձեի խոսքով, այդ մասին կխոսեն օգոստոսի 30-ին:

«Մինչ այդ չեմ կարող դա հաստատել: Խոսվում է մեր թեկնածուների մասին յուրաքանչյուր քաղաքում, երրորդ ուժի մասին, չնայած այս պահին մանրամասներ չենք բացահայտի: Արշավը կմեկնարկի օգոստոսի 30-ին», – ասել է Սերգո Չիխլաձեն:

Տեղեկության համար, «Ազգային շարժումը» պնդում է, որ Գիգի Ուգուլավան կառաջադրվի որպես Փոթիի քաղաքապետի թեկնածու: Ավելի վաղ խոսվում էր «Ազգային շարժման» առաջնորդներից մեկի՝ գործող պատգամավոր Թինա Բոկուչավայի մասին:

«Փոխարինում չի եղեկ, մենք պարզապես որոշման գործընթացում էինք, և վերջնականապես որոշվեց Գիգի Ուգուլավան: Ընտրությունը շատ էր, բայց ի վերջո Ուգուլավան որոշվեց», – ասաց «Միացյալ ազգային շարժման» Փոթիի մասնաճյուղի նախագահ Դարեջան Ցխվիտարիան: