Ռուսաստանի համար տապալվեց Աբխազիայի և Ցխինվալիի շրջանի ճանաչման գործընթացը, Լավրովի հայտարարությունը և գնահատականը շատ հեռու են իրականությունից,- այս մասին հայտարարել է Վրաստանի խորհրդարանի փոխխոսնակ Սերգի Կապանաձեն:

Պատգամավորը մեկնաբանություն է արել Ռուսաստանի արտաքին գործերի նախարար Սերգեյ Լավրովի հայտարարության մասին, որ «Աբխազիայի միջազգային ճանաչման գործընթացն անդառնալի է»:

Ինչպես նշել է Սերգի Կապանաձեն, Լավրովը և նրա թիմը չեն կարողացել որևէ կարևոր պետության կողմից հասնել Աբխազիայի և Ցխինվալիի շրջանի ճանաչման:

«Մենք տեսանք Լավրովի հայտարարությունը և գնահատականը, որը շատ հեռու է իրականությունից: Իրականում, Ռուսաստանի համար տապալվեց Աբխազիայի և Ցխինվալլի շրջանի ճանաչման գործընթացը: Այն երկրները, որոնք Լավրովը թվարկեց, որ ճանաչել են, այլևս այդ ցուցակում չեն»,- հայտարարել է պատգամավորը: