Ռուսաստանի արտաքին գործերի նախարար Սերգեյ Լավրովը նշում է, որ Անքորիջում կայացած հանդիպումից հետո Վլադիմիր Պուտինը շատ զարմացած է եղել ռուսական նավթային ընկերությունների նկատմամբ կիրառված պատժամիջոցներից։

Նա ասել է, որ Անքորիջում Ռուսաստանը աջակցել է Ուկրաինայի ճգնաժամը լուծելու ԱՄՆ առաջարկին։

«Պատժամիջոցները մնում են ուժի մեջ։ Ավելին, առաջին անգամ շատ խիստ պատժամիջոցներ են կիրառվել մեր նավթային ընկերությունների՝ «Լուկոյլի» և «Ռոսնեֆտի» դեմ։ Սա տեղի է ունեցել Անքորիջում կայացած հանդիպումից երեք շաբաթ անց։ Նախագահը զարմացած է եղել դրանից։ «Մենք Անքորիջում համաձայնության ենք եկել, որ Ռուսաստանը աջակցում է Ուկրաինայի ճգնաժամը լուծելու ԱՄՆ առաջարկին», – ասել է Լավրովը։

Ռուսաստանի արտաքին գործերի նախարարը նաև նշել է, որ այս համաձայնագրից հետո Մոսկվան սպասում էր, որ Միացյալ Նահանգները կհրավիրի որևէ խորհուրդ կամ կստորագրի փաստաթուղթ, բայց Վաշինգտոնը հանկարծակի պատժամիջոցներ է կիրառել «Լուկոյլի» և «Ռոսնեֆտի» դեմ։