Ռուսաստանի արտաքին գործերի նախարար Սերգեյ Լավրովը խոսել է Արևմուտքի կողմից Ուկրաինային տրամադրվող ռազմական օգնության մասին։

Ինչպես Լավրովն ասել է ռուսական «ТА» գործակալությանը տված հարցազրույցում, չնայած Ուկրաինայի հակահարձակման ձախողմանը, Արևմուտքը շարունակում է ռազմական օգնություն ցուցաբերել Ուկրաինային։

«Շարունակում է գործել այսպես կոչված Ramstein ֆորմատը, որի շրջանակներում ավելի քան 50 երկրների ներկայացուցիչներ քննարկում են Կիևի ամենամսյա հարցումները ռազմական տեխնիկայի և զինամթերքի մատակարարման վերաբերյալ։ Մերձավոր Արևելքում տեղի ունեցած ողբերգական իրադարձությունները որոշ ժամանակով հեռու պահեցին ուկրաինական ճգնաժամը արևմտյան լրատվամիջոցների առաջին էջերից։ Սակայն ոչ բարեկամ երկրների մեծ մասի համար ռազմի դաշտում Ռուսաստանի ռազմավարական պարտությունը դեռ առաջնահերթ է համարվում»,- ասում է Լավրովը։

Ինչպես նշում է Ռուսաստանի արտաքին գործերի նախարարը, Վաշինգտոնն ու Բրյուսելը չեն հրաժարվում Կիևին տրամադրվող ռազմական օգնությունից, քանի որ գիտեն, որ առանց իրենց օգնության այն դատապարտված է։

«Նրանք դեռ շահագրգռված են ռուսներին ուկրաինացիների ձեռքերով և մարմիններով զսպելու հարցում»,- ասում է Լավրովը։

Լավրովը նաև նշում է, որ Ուկրաինայի նախագահ Վլադիմիր Զելենսկու կառավարությունը խաղաղության քիչ ցանկություն ունի։

«Նրա ներկայացուցիչները մտածում են պատերազմի առումով և շատ ագրեսիվ հռետորաբանություն են օգտագործում։ Մենք ամենևին էլ չենք խոսում ռազմական գործողությունների դադարեցման մասին»,- ասում է Լավրովը։