Սերգեյ Լավրով. «Սևծովյան նախաձեռնությունը» չի կարող գործել, եթե ռուսական գյուղմթերքի արտահանումը մնա այն փուլում, որում այժմ գտնվում է
Ռուսաստանի արտաքին գործերի նախարար Սերգեյ Լավրովի խոսքով, «Սևծովյան նախաձեռնությունը» չի կարող գործել, եթե ռուսական գյուղմթերքի արտահանումը մնա այն փուլում, որում այժմ գտնվում է։
«Եթե ամեն ինչ մնա այնպես, ինչպես կա, և թվում է, թե այդպես կլինի, ապա մենք պետք է դուրս գանք այնտեղից, որ այդ նախաձեռնությունն այլևս չգործի»,- ասում է Լավրովը։
«Սևծովյան հացահատիկի նախաձեռնությունը», որը ստորագրվել է 2022 թվականի հուլիսի 22-ին Ռուսաստանի, Թուրքիայի, Ուկրաինայի և ՄԱԿ-ի ներկայացուցիչների կողմից, նախատեսում է ուկրաինական նավահանգիստներից հացահատիկի և պարարտանյութի արտահանում։ Այս համաձայնագրի երկրորդ մասը Ռուսաստանի և ՄԱԿ-ի միջև եռամյա հուշագիր է։ Դրա շրջանակներում պետք է իրականացվի ռուսական գյուղմթերքի ու պարարտանյութի արտահանում, իսկ «Ռոսսելխոզբանկը» կրկին ընդգրկվի «SWIFT» հարկային ծրագրում։ Սակայն Ռուսաստանը նշում է, որ համաձայնագրի այս հատվածը դեռ չի իրականացվել։