ՌԴ ԱԳ նախարար Սերգեյ Լավրովը հանդիպում է Հարավային Օսեթիի անջատողական ռեժիմի առաջնորդների հետ։ Հանդիպմանը մասնակցում են «նախագահ» Ալան Գագլոեւը եւ «արտաքին գործերի նախարար» Ալան Ջիովը։ Համապատասխան տեղեկություն է տարածում Ռուսաստանի արտաքին գործերի նախարարությունը։

Ինչպես հանդիպման սկզբում ասել է Սերգեյ Լավրովը, Ցխինվալիի և Մոսկվայի հարաբերությունները դինամիկ են զարգանում, ինչը «պատասխանում է Ռուսաստանի և Հարավային Օսեթիի քաղաքացիների շահերին»։

ՌԴ ԱԳՆ ղեկավարը շնորհակալություն է հայտնել Վրաստանի օկուպացված շրջանի անջատողական ռեժիմի ներկայացուցիչներին՝ «հատուկ ռազմական գործողությանը» մասնակցող ռուս զինվորականների աջակցության համար։

«Այսօր մենք կստորագրենք արտաքին գործերի նախարարությունների միջեւ խորհրդակցությունների պլանը։ Մենք սերտ համակարգում ենք տարածաշրջանային քաղաքականության, միջազգային խնդիրների և Հարավային Օսեթիի արտաքին շփումների հարցերում, որոնց մենք ամեն կերպ աջակցում ենք և կօգնենք ապագայում»,- ասել է Լավրովը։

Մինչ այդ Սերգեյ Լավրովը Սոչիում հանդիպել է օկուպացված Աբխազիայի անջատողական ռեժիմի ղեկավարների հետ։ Նախատեսվում է նաև եռակողմ հանդիպում։