Ռուսաստանը աշխատում է Եվրասիայում հավասար, անբաժանելի անվտանգության և լայն գործնական համագործակցության ճարտարապետություն ստեղծելու ուղղությամբ, հայտարարել է Ռուսաստանի արտաքին գործերի նախարար Սերգեյ Լավրովը։

Լավրովի խոսքով՝ Մոսկվան շահագրգռված է փոխըմբռնման, վստահության և բարիդրացիության սկզբունքների վրա հիմնված ազնիվ միջազգային համագործակցության հաստատմամբ։

«Այս առումով մենք հատուկ նշանակություն ենք տալիս երկկողմ համաձայնագրերի կնքմանը և իրականացմանը։ Սա ներառում է մեր համաձայնագրերը Բելառուսի հետ անվտանգության երաշխիքների և Հյուսիսային Կորեայի և Իրանի Իսլամական Հանրապետության հետ համապարփակ ռազմավարական գործընկերության վերաբերյալ», – նշել է Ռուսաստանի արտաքին գործերի նախարարը։

Լավրովի խոսքով՝ նման համակարգը կարող է կանխել նոր պատերազմներ սկսելու ցանկացած փորձ։