Ռուսաստանի և Ուկրաինայի միջև բանակցությունները պետք է շարունակվեն: Մոսկվան պատրաստում է սեփական արձագանքը Կիևի առաջարկներին և որոշակի առաջընթաց է գրանցում, – իր հնդիկ գործընկեր Սուբրահմանիա Ջաշինկարի հետ հանդիպումից հետո կայացած մամուլի ասուլիսում ասել է Ռուսաստանի արտգործնախարար Սերգեյ Լավրովը։

Նրա խոսքով, բանակցային գործընթացում առաջընթացը, առաջին հերթին, վերաբերում է Ուկրաինային որպես դաշինքի անդամ ճանաչելու անհնարինությանը։

«Բանակցությունները պետք է շարունակվեն։ Դուք լսեցիք, թե ինչպես են մեր բանակցողները մեկնաբանում Ստամբուլում բանակցությունների վերջին փուլը, որտեղ ուկրաինական կողմն առաջին անգամ թղթի վրա ներկայացրեց ձեռք բերվող պայմանավորվածությունների իր տեսլականը։ Այդ պայմանագրերը, ընդհանուր առմամբ, նախ պետք է ձեւավորվեն։ Մենք արձագանք ենք պատրաստում, առաջընթաց կա, որն առաջին հերթին վերաբերում է Ուկրաինային որպես դաշինքի անդամ ճանաչելու անհնարինությանը»,- ասել է Լավրովը։

Նա ասել է, որ Ռուսաստանը «ուկրաինական կողմում տեսնում է մեկ այլ իրականության շատ ավելի լայն պատկերացում»:

«Ես նկատի ունեմ Ղրիմի ու Դոնբասի հետ կապված իրավիճակը։ Ինչ վերաբերում է հետագա հնարավոր շփումներին, ապա դրանք ներկայումս մշակվում և կհայտարարվեն»,- հավելել է ռուս դիվանագետը։

Լավրովի խոսքով՝ Ռուսաստանն աշխատում է ուկրաինական կողմի հետ հետագա շփումների վրա։ Նրա խոսքով՝ Մոսկվան հանձնառու է անվտանգության երաշխիքներ տրամադրել ոչ միայն Ռուսաստանի, այլեւ Ուկրաինայի ու եվրոպական բոլոր երկրների համար։

Լավրովն ասել է, որ ոչ ոք դեմ չի լինի, եթե Հնդկաստանը կարողանա աջակցել անվտանգության երաշխիքների ապահովման գործընթացին՝ իր արդար դիրքորոշումներով և միջազգային խնդիրների լուծման ռացիոնալ մոտեցումներով։