Սերբիայի 30 ընտրատեղամասերում այսօր վերընտրություններ են անցկացվում, որոնցից երեքը՝ մայրաքաղաք Բելգրադում,- այս մասին գրում է սերբական Հանրային հեռարձակող «RTS»-ը։

Ինչպես գրում է լրատվամիջոցը, կրկնակի ընտրություններ են անցկացվում այն ​​ընտրատեղամասերում, որտեղ դեկտեմբերի 17-ին կայացած քվեարկության արդյունքները չեն կարողացել ճշտվել, իսկ բացահայտված խնդիրների պատճառով արդյունքները չեղարկվել են։

Նշված տեղամասերում քվեարկելու իրավունք ունի մինչև 19 500 ընտրող։

Քվեարկությունը հնարավոր է ժամը 07:00-ից 20:00-ն։

Գիշերը ուսանողները բողոքի ցույց են անցկացրել և վրաններ բացել Բելգրադի փողոցներում։ Նրանք հայտարարեցին, որ բողոքի ակցիան շարունակվելու է 24 ժամ։ Ուսանողները պահանջում են բացել նախընտրական ցուցակները:

Տեղեկացնենք, որ Սերբիայի իշխող «Առաջադիմական կուսակցությունը» հաղթել է դեկտեմբերի 17-ին կայացած ընտրություններում։ Երկրորդ տեղը զբաղեցրել է ընդդիմադիր «Սերբիան ընդդեմ բռնության» միավորումը։ «Առաջադեմ կուսակցությունը» և նրա առաջնորդ, երկրի նախագահ Ալեքսանդր Վուչիչը Սերբիան կառավարում են 2012 թվականից։