Սերբիայի ազգային վեհաժողովի խոսնակը Թբիլիսիում, իր վրացի գործընկերոջ հետ հանդիպումից հետո հայտարարել է, որ Սերբիան աջակցում է Վրաստանի տարածքային ամբողջականությանն ու ինքնիշխանությանը:

«Սերբիան աջակցում է Վրաստանի ինքնիշխանությանը և տարածքային ամբողջականությանը: Սրանով մենք ցույց ենք տալիս, որ հանդիսանում ենք երկիր, որը հարգում է միջազգային իրավունքի այն սկզբունքները, որը կոչվում է միջազգայնորեն ճանաչված պետության ինքնիշխանությանը աջակցություն»,-ասել է Մայա Գոիկովիչը:

Սերբիայի օրենսդիր մարմնի նախագահը միևնույն ժամանակ շնորհակալություն է հայտնել Վրաստանին, Կոսովոյի հարցով ֆիքսած դիրքորոշման համար:

«Սերբիայի համար շատ կարևոր է և շնորհակալություն ենք հայտնում ձեզ այն բանի համար, որ դուք չեք ճանաչել Կոսովոյի անկախությունը»,-ասել է Գոիկովիչը:

Այդ կոնտեքստում շատ հետաքրքիր էր Սերբիայի խորհրդարանի նախագահի դիրքորոշումը, բռնազավթված Հարավային Օսիայի Դե-ֆակտո նախագահ Անատոլի Բիբիլովի Սերբիա կատարած այցի և Սերբիայի պատրիարքի հետ հանդիպման  վերաբերյալ, սակայն լրագրողներին հնարավորություն չտրվեց առաջադրել այդ հարցը:

Սերբիայի և Վրաստանի խորհրդարանների նախագահները համատեղ մամլո ասուլիսի ժամանակ զրուցեցին երկու երկրների միջև համագործակցության հեռանկարների շուրջ: