ԱՄՆ-ի աջակցությունն Ուկրաինային բարեգործություն չէ, դա ներդրում է մեր անմիջական շահերի համար,- հայտարարել է ԱՄՆ Սենատի փոքրամասնության առաջնորդ Միթչ Մաքքոնելը՝ Ուկրաինայի նախագահ Վլադիմիր Զելենսկու հետ հանդիպումից հետո։

Ամերիկացի սենատորի խոսքով՝ Ռուսաստանի ռազմական հզորության անկումն օգնում է հետ պահել ԱՄՆ-ի գլխավոր ռազմավարական հակառակորդին՝ Չինաստանին։

Միևնույն ժամանակ, ԱՄՆ Սենատի մեծամասնության առաջնորդ Չակ Շումերը լրագրողներին ասել է, որ Զելենսկին զգուշացրել է սենատորներին այն վտանգների մասին, որոնք կառաջանան, եթե Ուկրաինան լրացուցիչ օգնություն չստանա։

«Մի առաջարկ կար, որն ամփոփում է այդ ամենը, և ես դա բառացիորեն կհիշեմ: Զելենսկին ասել է. «Եթե մենք օգնություն չստանանք, մենք կպարտվենք պատերազմում»։ Սա նրա մեջբերումն է»,- ասել է Չակ Շումերը։