Էներգետիկայի և ջրամատակարարման կարգավորող ազգային հանձնաժողովի անդամ Գիորգի Փանգանի. «Էնգուրհեսում» ընթանում էր պլանային թեստավորում, թեստավորման ժամանակ տեղի է ունեցել համակարգի ամբողջական անջատում, ընթանում է տեղի ունեցածի մանրամասն վերլուծություն

«Այսօր Պետական էլեկտրահամակարգը «Էնգուրհեսի» ագրեգատների վրա իրականացնում էր պլանային թեստավորում։ Թեստավորման ընթացքում տեղի է ունեցել Վրաստանի էլեկտրաէներգետիկ համակարգի ամբողջական անջատում։ Այս փուլում ընթանում է տեղի ունեցածի մանրամասն վերլուծություն և համապատասխան գնահատում», – այս մասին ՍԷՄԵԿ-ի անդամ Գեորգի Փանգանին գրում է սոցիալական ցանցում։

Նրա խոսքով՝ կսահմանվեն վթարի հստակ պատճառները, որպեսզի հետագայում խուսափեն նման դեպքերի կրկնությունից։

«Ցանկանում եմ տեղեկացնել, որ այսօր Պետական էլեկտրահամակարգը «Էնգուրհեսի» ագրեգատների վրա իրականացնում էր պլանային թեստավորում, որի նպատակն էր հուլիսի 24-ի և 25-ի վթարների հաշվառմամբ համակարգում առկա թույլ տեղերի բացահայտումն ու գնահատումը։ Թեստավորման շրջանակներում, այլ միջոցառումների հետ մեկտեղ, նախատեսված էր նաև Վրաստանի էլեկտրաէներգետիկ համակարգի աշխատանքը մեկուսացված ռեժիմում։ Նշված ռեժիմը կապված էր զգալի տեխնիկական ռիսկերի հետ, այդ թվում՝ էլեկտրաէներգետիկ համակարգի ամբողջական անջատման հնարավորության հետ։ Ինչպես արդեն հայտնի է, թեստավորման ընթացքում տեղի է ունեցել Վրաստանի էլեկտրաէներգետիկ համակարգի ամբողջական անջատում։ Այս փուլում ընթանում է տեղի ունեցածի մանրամասն վերլուծություն և համապատասխան գնահատում, որպեսզի պարզվեն վթարի ճշգրիտ պատճառները և հետագայում խուսափեն նման դեպքերի կրկնությունից», – հայտարարում է Գեորգի Փանգանին։

Ի գիտություն՝ Թբիլիսիում և մարզերի մեծ մասում էլեկտրամատակարարումը դադարեցված է։ Էլեկտրաէներգիան անջատվել է մոտավորապես ժամը 20:15-ին։ Հիշեցնենք, որ էլեկտրաէներգիան վթարային կարգով երկրի ողջ տարածքում անջատվել էր նաև հուլիսի 24-ին և 25-ին։