Ավստրիայի կանցլեր Սեբաստիան Կուրցը շնորհակալություն է հայտնել Վրաստանի վարչապետ Իրակլի Ղարիբաշվիլիին հանդիպման և Աֆղանստանի վերաբերյալ բարձր մակարդակի կլոր սեղանի քննարկումներին մասնակցելու համար: Կառավարության վարչակազմի մամուլի ծառայության փոխանցմամբ, այդ մասին Սեբաստիան Կուրցը գրում է «Twitter» սոցիալական ցանցում:

Կուրցի խոսքով, Ավստրիան եւ Վրաստանը հիանալի երկկողմ հարաբերություններ ունեն:

«Շատ շնորհակալություն Վրաստանի վարչապետ Իրակլի Ղարիբաշվիլին` մեր լավ հանդիպման եւ Աֆղանստանի վերաբերյալ բարձր մակարդակի կլոր սեղանի քննարկումներին մասնակցության համար:

Ավստրիան և Վրաստանը հիանալի երկկողմ հարաբերություններ ունեն: Մենք նաև սերտորեն աշխատում ենք նոր կորոնավիրուսային համաճարակի ժամանակ», – գրել է Սեբաստիան Կուրցը:

Նյու Յորքում Սեբաստիան Կուրցի հետ դեմ առ դեմ հանդիպումից հետո Իրակլի Ղարիբաշվիլին մասնակցեց Ավստրիայի կանցլերի կազմակերպած Աֆղանստանի վերաբերյալ բարձր մակարդակի երկխոսությանը:

Many thanks @GharibashviliGe for our good meeting and for participating at today's high-level roundtable on #Afghanistan! #Austria and #Georgia enjoy excellent bilateral relations and we work closely together in the fight against the #COVID19 pandemic. pic.twitter.com/2LbhG9KEN7

— Sebastian Kurz (@sebastiankurz) September 21, 2021