Ընդդիմադիր պատգամավոր, «Գիրչիի» անդամ Սանդրո Ռաքվիաշվիլին այսօր հանդիպել է նախագահ Սալոմե Զուրաբիշվիլիի հետ։

Ինչպես լրագրողներին ասել է Ռաքվիաշվիլին, քննարկման առարկան Ազգային բանկի կադրային համալրումն ու դրամավարկային քաղաքականությունն էր։

Ռաքվիաշվիլիի խոսքով՝ ինքը նախագահին ներկայացրել է իր տեսլականը Ազգային բանկի վերաբերյալ։

«Երբ ես նախագահի հետ ամանորյա միջոցառմանը էի, նրան ներկայացրեցի իմ դիրքորոշումը, և հունվարին հանդիպում էր նախատեսված։ Նախագահը ներգրավված է Վրաստանի Ազգային բանկի խորհրդի համալրման գործընթացին, որն ընթացքի մեջ է։ Ազգային բանկը պատասխանատու է մեր ունեցած բարձր գնաճի համար: Ես ուզում էի նախագահի հետ կիսվել իմ կարծիքով, թե որն է խնդիրը ոչ միայն գնաճի առումով, այլ նաև ինչ խնդիրներ կան Ազգային բանկում և ինչ կարող է անել խորհրդարանը, ինչ նախաձեռնություն պետք է ունենա։ Թե ովքեր կլինեն Ազգային բանկի խորհրդի անդամները կամ նախագահը, վճռորոշ կլինի դրամավարկային քաղաքականության առումով: Ինձ համար կարեւոր է, որ Ազգային բանկը ոչ միայն կախված լինի ժողովրդից, այլեւ օրենսդրությունը փոխի, որպեսզի որոշումը կայացնի Ազգային բանկի խորհուրդը, Ազգային բանկը լինի թափանցիկ։ Խորհրդարանն այժմ իրավունք ունի վերահսկելու Ազգային բանկը, բայց չունի դրա համար գործիքներ: Օրինակ՝ մենք իրավունք չունենք տեղեկատվություն պահանջել Ազգային բանկից»,- ասել է Ռաքվիաշվիլին։