Ներքին գործերի նախարարության Սամեգրելո-Զեմո Սվանեթիի ոստիկանության վարչության աշխատակիցները կանխամտածված սպանության մեղադրանքով ձերբակալել են 1967 թվականին ծնված քաղաքացի Մ.Մ.-ին: Այս մասին տեղեկատվություն է տարածել Ներքին գործերի նախարարությունը։

«Քննությամբ պարզվել է, որ այս տարվա ապրիլի 4-ին մեղադրյալը Զուգդիդիի մունիցիպալիտետի գյուղերից մեկում վեճի հիման վրա վնասվածքներ է պատճառել 1953 թվականին ծնված Զ.Ն.-ին և փախել դեպքի վայրից։

Ստացված վնասվածքների հետևանքով Զ.Ն.-ն մահացել է դեպքի վայրում։

Իրավապահ մարմինների աշխատակիցների կողմից թեժ հետապնդման նպատակով ձեռնարկված օպերատիվ միջոցառումների և քննչական գործողությունների արդյունքում Մ.Մ.-ն ձերբակալվել է հանցագործությունը կատարելուց կարճ ժամանակ անց։ Ոստիկանությունը որպես ապացույց առգրավել է հանցագործությունը կատարելու համար օգտագործված զենքը՝ դանակը։

Քննությունը շարունակվում է Քրեական օրենսգրքի 108-րդ հոդվածով, որը նախատեսում է մինչև 15 տարի ազատազրկում», – ասվում է ՆԳՆ տեղեկատվության մեջ։