Ներքին գործերի նախարարության Սամեգրելո-Զեմո Սվանեթիի ոստիկանության դեպարտամենտի, դետեկտիվների վարչության աշխատակիցները, ձեռնարկված համալիր օպերատիվ-հետախուզական գործողությունների արդյունքում, մեծ և առանձնապես խոշոր չափի թմրամիջոցների ապօրինի գնման-պահման և Վրաստան ապօրինի ներկրման, ինչպես նաև մաքսանենգ ճանապարհով զենք-զինամթերք գնելու-պահելու փաստով ձերբակալել են երկու անձի՝ 1978 թվականին ծնված
Դ.Կ.-ին և 1970 թվականին ծնված Կ.Թ.-ին: Այս մասին տեղեկություն է տարածում ՆԳՆ-ն։

Գերատեսչության տվյալներով՝ մեղադրյալների անձնական, բնակելի և տրանսպորտային միջոցների խուզարկության արդյունքում իրավապահները առգրավել են առանձնապես խոշոր չափի թմրանյութ, երկու ատրճանակ և պարկուճ։

«Դ.Կ.-ի կողմից Եվրոպայից բերված ավտոմեքենայի խուզարկության արդյունքում առգրավվել է «Սուբուտեքս» տեսակի 3715 դեղահաբ, իսկ Կ.Թ.-ի տան խուզարկությամբ ոստիկանները առգրավել են 2 դեղահաբ թմրանյութ և երեք կտոր, 2 ատրճանակ և 57 պարկուճ:

Խոշոր և առանձնապես խոշոր չափերի թմրամիջոցների ապօրինի ձեռքբերման և պահպանման և Վրաստան ապօրինի ներմուծման, ինչպես նաև հրազեն և ռազմամթերք ապօրինի գնելու և պահելու փաստերով հետաքննությունը ընթանում է Վրաստանի քրեական օրենսգրքի 260-րդ հոդվածի 3-րդ մասի «ա» ենթակետով:

Հանցագործությունները նախատեսում են ազատազրկում 7-ից 20 տարի ժամկետով կամ ցմահ ազատազրկում»,- ասվում են ՆԳ նախարարությունում։