Վնասվել են մոտ 1100 բնակելի տների, 38 բնակելի շենքերի և վեց մանկապարտեզների տանիքներ, 37 դպրոց բախվել են տարբեր տեսակի խնդիրների,- այս մասին Սամեգրելո-Զեմո Սվանեթիի պետական լիազոր Գիորգի Գուգուչիան հայտարարել է մունիցիպալիտետում աղետից հասցված վնասի մասին խոսելիս:

Նրա խոսքով՝ առավոտից շարունակվում են էլեկտրաէներգիայի վերականգնման աշխատանքները։

Բացի այդ, ինչպես նշեց Գեգուչիան, բնական աղետի հետևանքների վերացումը տեղի կունենա կարճ ժամկետներում։

«Քամու ուժն արդեն նվազել է, ինչը թույլ կտա արագ ու արդյունավետ իրականացնել վերականգնողական աշխատանքները։ Համապատասխան բրիգադներն առավոտից աշխատում են էլեկտրաէներգիայի վերականգնման ուղղությամբ, և ենթադրում ենք, որ մինչև օրվա վերջ էլեկտրամատակարարումը կվերականգնվի բոլոր վարչական միավորներում։

Վնասի հաշվարկման գործընթացը կշարունակվի։ Այս ամբողջ ընթացքում քաղաքապետարանները նկարագրել են վնասը։ Ընդհանուր նախնական տվյալներով՝ վնասվել են 1100 բնակելի տների, 38 բնակելի շենքերի և վեց մանկապարտեզների տանիքներ, տարբեր խնդիրների են բախվել 37 դպրոց։ Մենք ակտիվորեն աշխատում ենք կենտրոնական իշխանության հետ, և բնական աղետի հետևանքները հնարավորինս սեղմ ժամկետներում կվերացվեն։ Անցած գիշեր իրականացված աշխատանքների արդյունքում վերականգնվել է ավելի քան 60 գյուղի էլեկտրամատակարարումը, ներկայումս խնդրահարույց է 50 գյուղ, վերականգնողական աշխատանքներն ընթացքի մեջ են»,- ասաց Գեգուչիան։