Սալոմե Զուրաբիշվիլին ստորագրել է ՄԱԿ-ում Վրաստանի դեսպանի պաշտոնում Դավիթ Բաքրաձեի նշանակումը
Վրաստանի նախագահ Սալոմե Զուրաբիշվիլին ստորագրել է ՄԱԿ-ում Վրաստանի դեսպանի պաշտոնում Դավիթ Բաքրաձեի նշանակումը։
Նշված տեղեկությունը Վրաստանի առաջին ալիքին հաստատել են նախագահի վարչակազմում:
Բացի այդ, ինչպես հայտարարում է նախագահի վարչակազմը, դեսպանների վերաբերյալ նախագահին ներկայացված բոլոր պաշտոնական ներկայացումները բավարարվել են, և նախագահի կողմից ուշացումներ չեն եղել։
Դավիթ Բաքրաձեն նշված պաշտոնում կփոխարինի Կախա Իմնաձեին։
Հիշեցնենք, որ Վրաստանի նախագահ Սալոմե Զուրաբիշվիլին այս տարվա հուլիսի 22-ին Վրաստանի Առաջին ալիքին տված հարցազրույցում հայտարարել էր, որ իր նախագահության ժամանակ առաջադրված 37 դեսպաններից ստորագրել էր 36-ը, մնացել էր Դավիթ Բաքրաձեն։
«Նա 5 տարի դեսպան է եղել Ամերիկայում և ոչինչ չի արել մեր հարաբերությունների համար, նրան չպետք է նշանակեն ՄԱԿ-ում, նա պետք է այլ տեղ գնա»,- ասել է Սալոմե Զուրաբիշվիլին հիշյալ հարցազրույցի ժամանակ։