Սալոմե Զուրաբիշվիլին պատվո մեդալներով է պարգեւատրել Մեստիայի գանձերի պահապաններին, ինչպես նաեւ Սվանեթի պատմության եւ ազգագրության թանգարանի փոխտնօրենին
20:24, 11.09.2022
Վրաստանի նախագահ Սալոմե Զուրաբիշվիլին պատվո մեդալներով է պարգևատրել Մեստիայի գանձերի պահապաններին և Սվանեթիի պատմության և ազգագրության թանգարանի փոխտնօրենին՝ Վրաստանի մշակութային ժառանգության պաշտպանության և պահպանման գործում ունեցած հատուկ ավանդի և երկրին հավատարիմ ծառայության համար։
Պարգևատրման արարողությունը տեղի ունեցավ Մեստիայում՝ Լեո Փիլփանիի անվան ժողովրդական թատրոնի բակում։ Սվանական ժողովրդական երգի «Ռիհո» համույթը կատարեց սվանական ժողովրդական երգեր։ Համույթի ղեկավար Վախտանգ Փիլփանին խոսեց հնագույն երաժշտական գործիքների մասին։
