Վրաստանի նախագահ Սալոմե Զուրաբիշվիլին, հայտնվել է Հոլիվուդի դերասանուհի Ջենիֆեր Էնիսթոնի «Ինստագրամում» տեղադրած կին առաջնորդների լուսանկարների թվում:
«Երբ աշխարհում լսվում է նրանց աղմուկը, ովքեր դեմ են փոփոխություններին, փոփոխությունները տեղի են ունենում: Լիազորություններ տվեք կանանց և փոխեք աշխարհը», – գրել է Ջենիֆեր Էնիսթոնը:
Դերասանուհու կողմից հրապարակված լուսանկարներում Սալոմե Զուրաբիշվիլիի հետ միասին հայտնվել են համաշխարհային կին առաջնորդներ, ինչպես գործող, այնպես էլ նախկին քաղաքական գործիչներ և կին ակտիվիստներ, այդ թվում `Գերմանիայի կանցլեր Անգելա Մերկելը, Նորվեգիայի վարչապետ Էռնա Սոլբերգը, Դանիայի վարչապետ Մետե Ֆրեդերիկսենը, Շոտլանդիայի առաջին նախարար Նիկոլա Ստարջենը, Սլովակիայի նախագահ Զուզանա Չապուտովան, Էստոնիայի նախագահ Կերստի Կալիուլայդեն, Մոլդովայի նախագահ Մայա Սանդուն, ԱՄՆ-ի փոխնախագահ Կամալա Հարիսը, Նոր Ցելանդիայի վարչապետ Ջասինդա Արդեռնը, Նեպալի նախագահ Բադիա Դեվի Բանդար, Նամիբիայի նախագահ Սաարա Կուուգոնգելվան, Թայվանի նախագահ Ցայ Ին Վենը, Բանգլադեշի վարչապետ Շեյխ Հասինա Վաջեդը, Գաբոնի վարչապետ Ռոուզ Կրիստիան-Ռապոնդան, ինչպես նաև ԱՄՆ-ի նախկին առաջին տիկին Միշել Օբաման, ԱՄՆ-ի նախկին պետքարտուղար Հիլարի Քլինթոնը, ներկայացուցիչների պալատի խոսնակ Նենսի Փելոսին, պակիստանցի ակտիվիստ և իրավապաշտպան Մալալա Յուսաֆզայը, երիտասարդ էկոակտիվիստ Գրետա Տունբերգը:
