Սալոմե Զուրաբիշվիլին գարնանային նստաշրջանում պետք է ելույթ ունենա խորհրդարանում
Վրաստանի նախագահ Սալոմե Զուրաբիշվիլին գարնանային նստաշրջանի շրջանակներում պետք է տարեկան հաշվետվություն ներկայացնի խորհրդարանին։ Հաշվի առնելով կանոնակարգը՝ գարնանային նստաշրջանի առաջին լիագումար նստաշրջանի օրը խորհրդարանը լսում է նախագահի տարեկան հաշվետվությունը՝ երկրի վիճակի կարևորագույն խնդիրների վերաբերյալ։
Օրենսդիր մարմինը ելույթի ամսաթիվը համաձայնեցնում է նախագահի վարչակազմի հետ։
Ինչ վերաբերում է նախագահի լսումների ձեւաչափին, ապա, ըստ կանոնակարգի, նախագահի ելույթի ավարտից հետո ելույթ կունենան խմբակցությունների նախագահները։ Խմբակցության նախագահի ելույթի տեւողությունը չպետք է գերազանցի տասը րոպեն։ Ելույթներից հետո նախագահն իրավունք ունի հանդես գալ եզրափակիչ խոսքով։
Անցյալ տարի նախագահը խորհրդարանում ելույթ ունեցավ ապրիլի 9-ին։