Վրաստանի նախագահ Սալոմե Զուրաբիշվիլին վրաց խաղաղապահների հարյուրյակը ճանապարհեց Աֆղանստան:

Նա խոսքով դիմեց զինվորականներին: Ինչպես նշել է նախագահը, այն դրական գնահատականները, որ Վրաստանը ստանում է իր միջազգային գործընկերներից, հիմնականում ռազմական ոլորտի վաստակն է:

«Ողջույն, գեներալներ, սպաներ, սերժանտներ, կապրալներ, շարքայիններ: Ինձ համար մեծ պատիվ է այսօր այստեղ լինել ձեզ հետ: Մեծ պատիվ է ձեզ այսօր ճանապարհել Աֆղանստանի Իսլամական Հանրապետություն, քանի որ դուք այնտեղ կատարում եք շատ բարձր առաքելություն՝ ձեր երկրի, միջազգային գլոբալ անվտանգության, մեր երկրի պաշտպանական ուժերի համար՝ բարձրացնելու համար նրանց պաշտպանունակությունը:

ՆԱՏՕ-ի գործընկերների կողմից մեր գործընկերներից մի քանի օր առաջ ստացած գնահատանքը հիմնականում ձեր, ձեր հեղինակության, մեր հին ավանդական ռազմական հերոսության հեղինակության շնորհիվ է, որը շարունակվում է մինչ օրս, շատ շնորհակալ եմ դրա համար:

Այսօր աշխարհը կանգնած է շատ մեծ մարտահրավերների, համաճարակի մարտահրավերների առջև, և այն փաստը, որ Վրաստանը կատարում է իր պարտավորությունը նույնիսկ այս պայմաններում, շատ կարևոր է և շատ բան է ասում: Ես կցանկանայի մեծ շնորհակալություն հայտնել դրա համար: Մաղթում եմ ձեզ հաջողություն, խաղաղ վերադարձ հայրենիք, ձեր ընտանիքներ: Ուզում եմ առողջություն մաղթել բոլորին: Գիտեմ, որ Աֆղանստանում ձեր առաքելությունը արդյունավետ կլինի: Աստված օրհնի ձեզ», – հայտարարել է Սալոմե Զուրաբիշվիլին: